სოკოსა და შებოლილი ქათმის ფენოვანი სალათა
დრო 45წთ
ულუფა 6
სირთულე საშუალო
შეინახე რეცეპტი

შეგიძლიათ, დღეს სტუმრები ან ოჯახის წევრები სასიამოვნოდ გააოცოთ. ამ სალათს ხუმრობით „საყვარელ ქმარსაც“ უწოდებენ. თუმცა, ის არა მხოლოდ ქმარს მოეწონება.
დიახ, მას მაიონეზით ამზადებენ, მაგრამ თუკი ნაყიდს არ იყენებთ, შეგიძლიათ მოამზადოთ თავად.

ინგრედიენტები

  • ქამა სოკო - 300 გ
  • შებოლილი ქათამი - 300 გ
  • ხახვი - 100 გ
  • კვერცხი - 3 ცალი
  • მდნარი ყველი - 200 გ
  • პომიდორი - 120 გ
  • მაიონეზი - 100 გ
  • ზეთი - 1 ს/კ
  • ნიორი - 3 კბილი
  • მარილი და პილპილი - გემოვნებით
მომზადების წესები

დაჭერით ქამა სოკო თხელ ფირფიტებად. გაახურეთ ტაფა ზეთის გარეშე და შეწვით მასზე სოკო 10 წუთის განმავლობაში, თან ურიეთ. დაუმატეთ მარილი და პილპილი გემოვნებით. შემდეგ კი ცოტაოდენი ზეთი.
გაფცქვენით ხახვი. დაჭერით და დაუმატეთ სოკოს. გააგრძელეთ მოთუშვა 10 წუთის განმავლობაში. შემდეგ გადაიტანეთ მომზადებული პროდუქტები ცალკე ჭურჭელში და გააცივეთ.
მოამზადეთ სახლის მაიონეზი.
დაჭერით შებოლილი ქათამი პატარა კუბიკებად.
მოხარშეთ მაგრად კვერცხი, გააცივეთ და გახეხეთ. გაყინეთ მდნარი ყველი 40 წუთის განმავლობაში, შემდეგ კი გახეხეთ მარტივად.
ჯამში აურიეთ გახეხილი ყველი, კვერცხი, პრესში გატარებული ნიორი და მაიონეზი.
აიღეთ ღრმა სასალათე და ააწყვეთ სალათა: პირველი ფენა - სოკოს მასა. მეორე - კვერცხისა და ყველის მასა (ნაწილი), მესამე ფენა - შებოლილი ქათმის ხორცი, მეოთხე ფენა - კვერცხისა და ყველის მასის მეორე ნაწილი. მოათავსეთ სალათა მაცივარში 60 წუთით.
დაჭერით პომიდორი. გამოიღეთ სალათა მაცივრიდან და მორთეთ ზედა ფენა პომიდვრის ნაჭრებით. 

გემრიელად მიირთვით!