ჩეჩილი, იგივე დაწნული ყველი სახლის პირობებში
ჩეჩილი, იგივე დაწნული ყველი სახლის პირობებში
დრო 240წთ
ულუფა 4
სირთულე საშუალო
შეინახე რეცეპტი

დაწნული ყველი - ერთნაირად საყვარელი ყველია, როგორც ბავშვებისთვის, ასევე უფროსებისთვის. 
იმის გამო, რომ ჩეჩილი ყველი ნაკლებცხიმიანი რძისგან მზადდება, ის დიეტური პროდუქტების სიაში შედის. 

ინგრედიენტები

  • სოფლის რძე - 4 ლ
  • წყალი - 8 ლ
  • ლიმონმჟავა - 1 ჩ/კ
  • კვეთი - 1 გ
  • მარილი - გემოვნებით
მომზადების წესები

შეათბეთ რძე წყლის აბაზანაზე 38 გრადუსამდე. სასურველია, სულ ურიოთ.
გახსენით ლიმონის მჟავა ცოტაოდენ რძეში და შეურიეთ დანარჩენ რძეს.
ასევე გახსენით ცოტაოდენ რძეში კვეთი, შემდეგ კი შეურიეთ დანარჩენ რძეს.
ურიეთ ხის კოვზით.
მოათავსეთ რძიანი ქვაბი თბილ ადგილას და გააჩერეთ 1 საათი. შეგიძლიათ, გაახვიოთ თბილ ადიელაში.
შემდეგ კვლავ შეათბეთ რძის მასა დაბალ ცეცხლზე (საკმარისი იქნება 5 წუთი).
გადაწურეთ უკვე ახაჭოვებული მასა და გააჩერეთ საწურზე 40 წუთი. სანამ ყველი დაიწურება, შეათბეთ წყალი მეორე ქვაბში 75 გრადუსამდე.
გადაასხით გაცხელებული წყალი ჯამში და ჩდეთ მასში ყველის მასა.
ამოურიეთ ყველის მასას ჯამში ორი ხის ნიჩბით. ურიეთ 15 წუთის განმავლობაში.
ამის შემდეგ ჩაიცვით რეზინის ხელთათმანები და განაგრძეთ ყველის მორევა უკვე ხელით. პეროდულად ჩადეთ წყალში. ამასთან წყლის ტემპერატურა ანუ უნდა ჩამოდიოდეს 75 გრადუს ქვევით. თუ წყალი გაგიცივდათ, დაუმატეთ ცხელი წყალი.
ყველის მორევისგან თანდათან გადადით ყველის მასის გაწელვაზე და მისგან თოკების გაკეთებაზე.
როცა ყველის თოკები საჭირო ფორმას მიიღებს, მოათავსეთ ისინი წინასწარ მომზადებულ ოთახის ტემპერატურის მარილწყალში (1 ლიტრ წყალზე დაგჭირდებათ 200 გ მარილი).
გააჩერეთ ყველი 1 დღე მარილწყალში. ამის შემდეგ გაწურეთ და გააკეთეთ თოკებისგან ნაწნავები. 
ყველი ინახება მაცივარში 60 დღის განმავლობაში.