გაჭერით თაფლაკვერები შუაზე 2 ნაწილად ისე, რომ თხელი ფირფიტები მიიღოთ. 2-3 ცალი გადადეთ, რათა დავფხვნათ და ბოლოს მოვრთოთ ტორტი. ბანანი დაჭერით წრეებად, კივის - თხელ ნაჭრებად. ათქვიფეთ არაჟანი და შაქარი კარგად, სანამ ბოლომდე არ გაიხსნება შაქარი. დასაშლელ ფორმაში ჩაფინეთ საკვების შესაფუთი ცელოფანი ისე, რომ კიდეები გადმოეფაროს ფორმას. ფორმის ფსკერზე წაუსვით კრემი და დაიწყეთ ტორტის აწყობა: დაალაგეთ რაც შეიძება მჭიდროთ თაფლაკვერას ნაჭრები ერთ ფენად, სიცარიელები შეგიძლიათ თაფლაკვერას პატარა ნაჭრებით ამოავსოთ. წაუსვით არაჟნის კრემი. ზემოდან გაანაწილეთ ბანანი და კვლავ წაუსვით კრემი, შემდეგ დაალაგეთ თაფლაკვერების შემდეგი ფენა. გულუხვად წაუსვით კრემი, ზემოდან დაალაგეთ კივის ნაჭრები. წაუსვით კვლავ კრემი და დაალაგეთ თაფლაკვერების მესამე ფენა, რომელსაც სქლად გადაუსვამთ არაჟნის კრემს. ცელოფნის კიდეები გადმოაფარეთ ტორტს და მოათავსეთ მაცივარში მინიმუმ 3 საათით. როცა კრემი თაფლაკვერებს კარგად გაუჯდება, ამოიღეთ ცელოფნიანად ფორმიდან, გადმოაბრუნეთ და მოაცალეთ ცელოფანი ფრთხილად. მოაყარეთ ტორტს დაფხვნილი თაფლაკვერები და მორთეთ სურვილისამებრ.