1 ჭიქა ფქვილში ავურიოთ მარილი. შაქარი, საფუარი და დავასხათ თბილი წყალი, დავუმატოთ კვერცხის გული და კარგად ავურიოთ. დავუმატოთ მაწონი. ნელ-ნელა ვამატოთ ფქვილი და ზეთიანი ხელებით მოვზილოთ ნაზი ცომი, გადავაფაროთ ტილო და დავდგათ ასაფუებლად. კარტოფილი დავჭყლიტოთ, შევაზილოთ მარილი, კარაქი, დაჭრილი კამა და პილპილი. ცომი დავყოთ 14-16 გუნდად, თითოეულზე მოვათავსოთ კარტოფილის გულსართი, შევკრათ და ხელით გავაბრტყელოთ. შევწვათ ბლომად გაცხელებულ ზეთში ორივე მხრიდან.