ბოსტნეულის ლაზანია
ბოსტნეულის ლაზანია
დრო 65წთ
ულუფა 4
სირთულე საშუალო
შეინახე რეცეპტი

ინგრედიენტები

  • ტომატპასტა - 300 გ
  • ლაზანიას ფირფიტები - 6 ცალი
  • ბულგარული წიწაკა - 1 ცალი
  • ყაბაყი - 1 ცალი
  • მარილი და პილპილი - გემოვნებით
  • მაგარი სახეობის ყველი - 100 გ
  • ზეითუნის ზეთი - 3 ს/კ
  • ხახვი - 1 თავი
  • ბაზილიკი - გემოვნებით
მომზადების წესები

წვრილად დაჭერით ბოსტნეული, გახეხეთ ყველი.

გაახურეთ ტაფაზე ზეთი და მოხრაკეთ ბოსტნეული რიგრიგობით, ჯერ ხახვი (5 წუთი), შემდეგ ბულგარული წიწაკა (3 წუთი), შემდეგ ყაბაყი (5 წუთი). დაუმატეთ მარილი და პილპილი, ასევე ბაზილიკი. გადმოდგით ცეცხლიდან.

გამოსაცხობ, ღრმა ფორმას წაუსვით ტომატპასტა და დააფინეთ ლაზანიას ფირფიტების პირველი ფენა.

შემდეგ წაუსვით კვლავ ტომატპასტა, გაანაწილეთ ბოსტნეულის რაგუ და მოაყარეთ გახეხილი ყველის 1/3.

დაალაგეთ ინგრედიენტები იგივე თანამიმდევრობით, სანამ არ ამოიწურება ყველაფერი, ბოლოს მოაყარეთ გახეხილი ყველი.

აცხვეთ ლაზანია 30-40 წუთი 180-190 გრადუსზე. აკონტროლეთ, რომ ყველი არ დაიწვას.

დეტალურად მომზადების წესი ნახეთ ვიდეოგაკვეთილში.

 

 

 

ტეგები:
ბოსტნეული ლაზანია ნანახია: 11923