სალათი "დეკემბრის საღამო"
სალათი "დეკემბრის საღამო"
დრო 70წთ
ულუფა 3
სირთულე მარტივი
შეინახე რეცეპტი

ინგრედიენტები

  • ქათმის ღვიძლი - 300 გ
  • სტაფილო - 120 გ
  • მაგარი სახეობის ყველი - 150 გ
  • ზეთი - გემოვნებით
  • მარილი და პილპილი
  • ჭარხალი - 150 გ
  • ხახვი - 90 გ
  • მაიონეზი - გემოვნებით
  • ნიგოზი - 100 გ
მომზადების წესები

გასუფთავეთ ღვიძლი, მოაცალეთ ცხიმიანი ნაწილები, დაჭერით წვრილად.

გაფცქვენით და დაჭერით წმინდად ხახვი. გაფცქვენით და გახეხეთ სტაფილო.

გაახურეთ ტაფა, დაასხით ზეთი. ოდნავ მოხრაკეთ ხახვი, დაუმატეთ სტაფილო. თუშეთ რამდენიმე წუთი. მოუმატეთ ცეცხლს, დაუმატეთ დაჭრილი ღვიძლი და განაგრძეთ მოთუშვა 5 წუთის განმავლობაში. შეკმაზეთ მარილითა და პილპილით.

გაახვიეთ ჭარხალი ფოლგაში და მოათავსეთ 180 გრადუსზე გახურებულ ღუმელში 1 საათით. გააცივეთ, გაფცქვენით და გახეხეთ.

დაუმატეთ მარილი და პილპილი. გახეხეთ მსხვილად ყველი. დაჭერით ან დაფქვით მსხვილად ნიგოზის ნახევარი.

სასალათეში გაანაწილეთ პირველ ფენად ჭარხალი, წაუსვით მაიონეზი, მოაყარეთ დაჭრილი ნიგოზი, წაუსვით კვლავ მაიონეზი. ზემოდან გაანაწილეთ მოთუშული ღვიძლი, წაუსვით კვლავ მაიონეზი. მოაყარეთ გახეხილი ყველი.

მორთეთ ნიგვზის ლებნებით, ზემოდან გაუკეთეთ მაიონეზით ბადე, მოათავსეთ მაცივარში მთელი ღამით.

მეორე დღეს გემრიელად მიირთვით!

 

 

 

 

 

 

ტეგები:
მაიონეზი ნიგოზი სალათა ნანახია: 8445