თავდაპირველად გაალღვეთ ალუბალი და დაყარეთ საწურზე, რათა კარგად დაიწუროს ზედმეტი სითხისგან. გააცალკევეთ 4 კვერცხის ცილა და გული. ცილა ათქვიფეთ 200 გ შაქართან ერთად მყარი ღრუბელის მასის მიღებამდე. ნელ-ნელა შეათქვიფეთ 4 კვერცხის გული. დაუმატეთ ვანილის შაქარი და თანდათანობით შეურიეთ გაცრილი ფქვილი. თქვიფეთ 8-10 წუთის განმავლობაში. ტორტის გამოსაცხობ ფორმაში ჩააფინეთ პერგამენტი, წაუსვით კარაქი, გაანაწილეთ ალუბლის ნახევარი (250 გ), დაასხით ცომის ნახევარი, მოასწორეთ და მოათავსეთ 180 გრადუსზე გახურებულ ღუმელში 25-30 წუთის განმავლობაში. ასევე გამოაცხვეთ ცომის დარჩენილი ნაწილი. გამოწურეთ ლიმონი, დაუმატეთ 25 გ შაქარი, აურიეთ. გადმოაბრუნეთ ბისკვიტი ალუბლებით ზემოთ და წაუსვით თითოეულს შაქრიანი ლიმონის წვენი. ახლა მოამზადეთ კრემი: ათქვიფეთ დარბილებული კარაქი, დაუმატეთ შესქელებული რძე და თქვიფეთ ერთგვაროვანი, ჰაეროვანი მასის მიღებამდე. წაუსვით ტორტის ერთ ბისკვიტს კრემი (დატოვეთ ცოტაოდენი ზემოდან და კიდეებზე წასასწმელად), დაადეთ ბისკვიტის მეორე ფენა. წაუსვით დარჩენილი კრემი ზემოდან და გვერდებზე. მორთეთ სურვილისამებრ და მოათავსეთ მაცივარში მინიმუმ 3-4 საათით.
