მზესუმზირის გოზინაყი
მზესუმზირის გოზინაყი
დრო 180წთ
ულუფა 40
სირთულე საშუალო
შეინახე რეცეპტი

მზესუმზირისგან ძალიან გემრიელი გოზინაყი გამოდის. მისი მომზადება იმითაც არის მოსახერხებელი, რომ ნაკლები დამუშავება სჭირდება და სწრაფად მზადდება, ამასთან, ნიგოზთან შედარებით ნაკლებად კალორიულია.

ინგრედიენტები

  • თაფლი - 1 ჭიქა
  • მზესუმზირა - 3,5-4 ჭიქა
  • შაქარი - 1 ჩ/კ
მომზადების წესები

მზესუმზირა მოვხალოთ და გავაცივოთ. თაფლი ჩავასხათ სქელძირიან ქვაბში ან ღრმა ტაფაში და დაბალ ცეცხლზე გავაცხელოთ. როცა წამოდუღდება გადმოვდგათ ცეცხლიდან და კარგად გავაცივოთ. თაფლი კიდევ ერთხელ წამოვადუღოთ ამ წესით. მესამედ რომ დავდგამთ ცეცხლზე, ვხარშოთ, სანამ თაფლი გამაგრდება. თაფლს დავუმატოთ მზესუმზირა და შაქარი, ვშუშოთ რამდენიმე წუთი, შემდეგ კი გადმოვიტანოთ წყალში დასველებულ ხის დაფაზე და სველი საგლინავი გავაბრტყელოთ, დავჭრათ სასურველი ზომის ნაჭრებად და გავაცივოთ.

ტეგები:
გოზინაყი მზესუმზირა ნანახია: 7035