ჩეხური ბაქლავა
ჩეხური ბაქლავა
დრო 120წთ
ულუფა 30
სირთულე საშუალო
შეინახე რეცეპტი

ინგრედიენტები

ცომი:
  • კვერცხის გული - 4 ცალი
  • შაქარი - 2 ს/კ
  • სოდა - 0,5 ჩ/კ
  • მაწონი - 200 მლ
  • წყალი - 100 მლ
  • მარილი - 1/3 ჩ/კ
  • დარბილებული კარაქი - 300 გ
  • ფქვილი - 3-4 ჭიქა
გულსართი:
  • კვერცხის ცილა - 4 ცალი
  • შაქარი - 1,5-2 ჭიქა
  • დაჭრილი ნიგოზი - 1 ჭიქა
  • მზესუმზირა - 1 ჭიქა, დაფქული
  • 1 ფორთოხლის ცედრა
  • ქიშმიში - 0, 5 ჭიქა
  • რომი ან კონიაკი - 1 ს/კ
  • ვანილი - 1 შეკვრა
  • მწიკვი მარილი
  • ლიმონის წვენი - 3-4 წვეთი
  • კვერცხი - 1 ცალი + 2 ს/კ რძე ზემოდან წასასწმელად
მომზადების წესები

შაქარი და კარაქი ავთქვიფოთ, დავუმატოთ კვერცხის გულები, მაწონსა და წყალში არეული სოდა და ფქვილის დამატებით მოვამზადოთ ნაზი, ელასტიკური ცომი, შევდოთ მაცივარში 1 საათით.
ქიშმიში ცხელ წყალში გავრეცხოთ, გადავწუროთ და დავუმატოთ რომი.
ცილას დავუმატოთ ლიმონის წვენი, მარილი და ბეზე ავთქვიფოთ. ნელ-ნელა შევათქვიფოთ შაქარი. ბეზეს დავუმატოთ ქიშმიში კონიაკთან ერთად, ფორთოხლის ცედრა, ვანილი, ნიგოზი და მზესუმზირა.
ცომი გავყოთ 3 გუნდად, თითოეული თხლად გავაბრტყელოთ. ერთი ფენა დავაფინოთ თუნუქის ფურცელზე, წავუსვათ ნახევარი ბეზეს მასა და მეორე ფენა გადავაფაროთ. ზემოდან კიდევ წავუსვათ დარჩენილი გულსართი და მესამე ფენაც დავაფინოთ, გვერდები კარგად შევუკრათ, რძეში გახსნილი კვერცხის გული წავუსვათ და რომბებად დავჭრათ.
ნამცხვარი შევდგათ 200 გრადუსზე გახურებულ ღუმელში. როცა ზემოდან მოიბრაწება, ცეცხლს დავუწიოთ 160 გრადუსზე და ვაცადოთ, რომ გამოშრეს. ნამცხვარი დავჭრათ, როცა კარგად გაგრილდება.