მშრალი საფუარი გახსენით თბილ წყალში. და გააჩერეთ, სანამ ბუშტუკებს არ გაიკეთებს. ფქვილი ჩაცერით ჯამში, დაუმატეთ 1/4 ჭიქა პარმეზანი, 1 ჩ/კ მარილი, 2 ჩ/კ შაქარი, 1 ჩ/კ გამაფხვიერებელი. აურიეთ კარგად და ჩაასხით საფუვრიანი წყალი. მოზილეთ რბილი, ელასტიკური ცომი. ჯამში ჩაასხით ცოტაოდენი ზეთი, ჩადეთ ცომის გუნდა, გადააფარეთ ჩაის ტილო და დადგით თბილ ადგილას 1 საათით. სანამ არ მოიმატებს მოცულობაში. შემდეგ გადმოიღეთ ცომი ფქვილმოყრილ ზედაპირზე, გაყავით 8 გუნდად. თითოეული გუნდა გააბრტყელეთ ხელით, წაუსვით 1 ს/კ ტომატის წვენი, მოაყარეთ გახეხილი პარმეზანი, დაჭრილი ბაზილიკი და გადაკეცეთ, შეუწებეთ კიდეები, როგორც ვარენიკს. ღრმა ტაფაში ან სქელძირიან ქვაბში გააცხელეთ ბლომად ზეთი (იმდენი, რომ კალცონეები მთლიანად დაფაროს), ჩადეთ სათითაოდ ცომის ნაჭრები და დაბრაწეთ ყველა მხრიდან. ზედმეტი ცხიმის მოსაცილებლად, შემწვარი კალცონეები გადაიტანეთ ქაღლდის ხელსახოცზე. სუფრასთან მიიტანეთ სასურველ სოუსთან ერთად. მიირთვით ცხელ-ცხელი.