ჯამში გაცერით ფქვილი, დაასხით 1/2 ჭიქა წყალი, 1/2 ჭიქა რძე, დაუმატეთ 1/4 ჭიქა შაქარი, 2 ჩ/კ მარილი, 1 შეკვრა მშრალი საფუარი, 3 ს/კ დარბილებული კარაქი - მოზილეთ რბილი ცომი. გადაახვიეთ საკვების შესაფუთ ცელოფანში და მოათავსეთ მაცივარში. ამასობაში გამოიღეთ 200 გ კარაქი. დადეთ პერგამენტის ქაღალდზე, ზემოდანაც დააფინეთ პერგამენტის მეორე ფურცელი და გააბრტყელეთ დაახლობით 2 სმ სისქეზე. გამოიაღეთ ცომი მაცივრიდან გააბრტყელეთ, მოათავსეთ გულში კარაქის ფირფიტა, გადმოუკეცეთ ცომს ყველა მხრიდან კიდეები და კვლავ გააბრტყელეთ. გადაიტანეთ ფირფიტაზე და მოათავსეთ მაცივარში 1 საათით. შემდეგ გამოიღეთ ცომი, გააბრტყელეთ მართკუთხედ ფორმად, გადმოკეცეთ ჯერ ერთი კიდე, შემდეგ მეორე კიდე, გაახვიეთ საკვების შესაფუთ ცელოფანში და მოათვსეთ მაცივარში 1 საათით. გამოიღეთ მაცივრიდან ცომი, გააბრტყელეთ კვლავ მართკუთხედ ფორმად, გადმოკეცეთ ისევ ჯერ ერთი კიდე, შემდეგ მეორე. ისევ გაახვიეთ საკვების შესაფუთ ცელოფანში და მოათავსეთ მაცივარში 1 საათით. გამოიღეთ მაცივრიდან, მოხსენით ცომს ცელოფანი, ისევ გააბრტყელეთ მართკუთხედად, ისევ გადაკეცეთ ორივე მხრიდან, გაახვიეთ ცელოფანში და კვლავ გაყინეთ. უნდა შეასრულოთ 3 ერთნაირი მოქმედება, რათა მიიღოთ ცომის 27 ფენა. გამოიღეთ ცომი მაცივრიდან, გაჭერით შუაზე, ცომის თითოეული ნაწილი გააბრტყელეთ და დაჭერით თითოეული ფირფიტა 4 თანაბარ ზოლად. დადეთ თითოეული ცომის ზოლზე შოკოლადის ნატეხი, გადაახვიეთ რულეტად და მოათავსეთ გამოსაცხობ ფირფიტაზე. წაუსვით ათქვეფილი კვერცხი და გააჩერეთ ასე 1 1/2 საათი. შემდეგ კვლავ გადაუსვით კვერცხი და მოათავსეთ 200 გრადუსზე გახურებულ ღუმელში. აცხვეთ 15 წუთის განმავლობაში.