ფქვილი ჩაყარეთ ჯამში, ჩაახალეთ კვერცხი, დაუმატეთ რძე (ნახევარი), აურიეთ ერთგვაროვანი მასის მიღებამდე, შემდეგ დაუმატეთ დარჩენილი რძე და კვლავ კარგად აურიეთ. გამოაცხვეთ ბლინები უწვავი ზედაპირის მქონე ტაფაზე ან ცხიმწასმულზე ორივე მხრიდან. ტაფაში გაადნეთ კარაქი, მოხრაკეთ ალყა-ალყა დაჭრილი ხახვი შევარდისფრებამდე. დაუმატეთ ისპანახი და მარილი გემოვნებით. თუშეთ ისპანახის ფოთლების დარბილებამდე. შეწვით თოხლოდ კვერცხის იმდენი თვალი, რამდენი ბლინის ფირფიტაც გამოგივიდათ. გამომცხვარი ბლინების შუაგულში მოათავსეთ ჯერ მდნარი ყველის ფირფიტა, ზემოდან დაადეთ ლორის ფირფიტა. გაანაწილეთ ისპანახის მასა, დაადეთ კვერცხის შემწვარი თვალი და დაკეცეთ ბლინი კონვერტივით. გადაიტანეთ ბლინის მზა კონვერტები ღუმელის გამოსაცხობ ფირფიტაზე და მოათავსეთ 5 წუთით 1 80 გრადუსზე გახურებულ ღუმელში. გემრიელად მიირთვით!
