თბილ რძეს დაუმატეთ შაქარი, საფუარი და გადადეთ გვერდზე, სანამ ბუშტუკებს არ გაიკეთებს. ცალკე ჯამში მოათავსეთ დარბილებული კარაქი, ჩაახალეთ კვერცხი, დაუმატეთ ვანილის ექსტრაქტი, ათქვიფეთ მიქსერით. დაუმატეთ საფუვრიანი მასა, აურიეთ და ნელ-ნელა შეაზილეთ ფქვილი. მოზილეთ რბილი ცომი, მოათავსეთ ჯამში, გადაუსვით ზეთი, გადააკარით ჯამს ცელოფანი და დადგით ოთახის ტემპერატურაზე 1 საათით. შემდეგ გააბრტყელეთ (ოღონდ ძალიან თხლად არა), ამოჭერით წრეები სპეციალური საჭრელით, შემდეგ ამ წრეებში ამოჭერით კიდევ პატარა წრეები და შეწვით ფრიტიურში, ან ქვაბში გაცხელებულ ბევრ ზეთში. დაბრაწეთ დონატები ყველა მხრიდან. ამოიღეთ საწურით და მოათავსეთ ცხაურზე, რომ დაიწრიტოს ზედმეტი ზეთი. მოამზადეთ თეთი მინანქარი: შაქრის პუდრას დაუმატეთ რძის ფხვნილი, ვანილის ექსტრაქტი და ცხელი წყალი. ათქვიფეთ ხელის ზამბარით ერთგვაროვან მასის მიღებამდე. შემდეგ მაინც გაწურეთ მინანქარი და მოასხით დონატებს. გემრიელად მიირთვით!