დაფქვით შვრიის ფანტელი (ოღონდ წმინდად არა), დაუმატეთ ფქვილი, გამაფხვიერებელი, დარიჩინი, დაფქული მუსკატის კაკალი და აურიეთ. მეორე ჯამში ათქვიფეთ დარბილებული კარაქი, თეთრი და ყავისფერი შაქარი, შეათქვიფეთ სათითაოდ კვერცხი, დაუმატეთ ვანილინი და კარგად ათქვიფეთ. მიღებულ მასას დაუმატეთ ფქვილისა და შვრიის მშრალი მასა და მოზილეთ ცომი. დაუმატეთ წინასწარ დამბალი ქიშმიში და კარგად აურიეთ. გააკეთეთ მიღებული ცომისგან პატარა ბურთები, შემდეგ კი მიეცით ბლითის ფორმები. დააფინეთ ღუმელის ფირფიტაზე პერგამენტი და დაალაგეთ ნამცხვრები ერთმანეთის დაშორებით. აცხვეთ 200 გრადუსზე 15-20 წუთის განმავლობაში. ჯამში ჩაყარეთ შაქრის პუდრა, დაუმატეთ რძე და თბილი წყალი, ათქვიფეთ ხელის ზამბარით. გამომცხვარი და გაგრილებული ნამცხვრები ამოავლეთ ცალი მხრიდან თეთრ მინანქარში. მოათავსეთ ცხაურზე და გააშრეთ. გემრიელად მიირთვით!
