თავდაპირველად მოამზადეთ სოუსი. ჯამში აურიეთ სოიოს სოუსი, ცხარე ჩილის სოუსი, ტკბილი ჩილის სოუსი, თაფლი და წვრილად დაჭრილი 4 კბილი ნიორი. ქათმის ფილე ჩაჭერით სიგანეზე (ბოლომდე არა), გაშალეთ, დააფინეთ პერგამენტი და დაბეგვეთ. მარინადის ნახევარი გადაასხით ცალკე ჯამში და გადადეთ გვერდზე (მოგვიანებით დაგჭირდებათ). დარჩენილ მარინადში ჩადეთ ქათმის ფილე და გააჩერეთ 2 საათი. ტაფაში გაახურეთ ზეითუნის ზეთი, მოხრაკეთ 2 კბილი წვრილად დაჭრილი ნიორი, 1 თავი ხახვი, ტკბილი წიწაკა. აიღეთ დამარინადებული ფილე, გაშალეთ და გაანაწილეთ მასზე მოხრაკული ბოსტნეული. დააფინეთ ზემოდან ისპანახის ფოთლები და გადაახვიეთ. დაამაგრეთ ფილე ხის ჩხირებით. შემდეგ კი გაჭერით შუაზე. შეწვით ზეთში ყველა მხრიდან 5-7 წუთის განმავლობაში. სუფრასთან მიტანის წინ მოასხით დარჩენილი სოიოს სოუსი.
