მწვანე პამიდვრის ტარტ ტატენი
დრო 40წთ
ულუფა 4
სირთულე საშუალო
შეინახე რეცეპტი

მწვანე პამიდორს ქართულ სამზარეულოში ძირითადად სალათებისა და მწნილის მოსამზადებლად გამოიყენებენ. ევროპული კულინარია ამ პროდუქტის სრულებით განსხვავებულ მომზადებას გვთავაზობს.

ინგრედიენტები

  • ფენოვანი ცომი - 200 გ
  • მწვანე პომიდორი - 4 ცალი
  • ნიორი - 1 კბილი
  • ზეითუნის ზეთი - 2 ს/კ
  • შაქარი - 1 ს/კ
  • ხმელი ქონდარი - 1 ჩ/კ
  • პარმეზანი, გახეხილი - 0,5 ჭიქა
  • ოხრახუში - ცოტაოდენი
  • ლიმონის წვენი
  • მარილი და პილპილი
მომზადების წესები

პამიდვრები თხლად დავჭრათ და ზეთდასხმულ ტაფაში შევბრაწოთ. შეწვისას მოვაყაროთ პილპილი, მარილი და შაქარი, გადავიტანოთ საცხობ ფორმაში, მოვაყაროთ ქონდარი, გადავაფინოთ ფორმის ზომაზე გაბრტყელებული ცომი, დავჩხვლიტოთ ჩანგლით და 200 გრადუსზე გახურებულ ღუმელში გამოვაცხოთ დაახლოებით 20 წუთის განმავლობაში.
მზა ტარტი ამოვატრიალოთ, მოვაყაროთ დაჭრილი ნიორი, ყველი და ოხრახუში. ჭამის წინ მოვასხათ ლიმონის წვენი.

ტეგები:
ტარტ ტატენი მწვანე პომიდორი ნანახია: 183