კარტოფილისა და სტაფილოს მობრაწულა ბროკოლით
დრო 60წთ
ულუფა 5
სირთულე საშუალო
შეინახე რეცეპტი

ინგრედიენტები

  • კარტოფილი - 500 გ
  • სტაფილო - 300 გ
  • ბროკოლი - 400 გ
  • ხახვი - 1 თავი
  • ნიორი - 4 კბილი
  • სიმინდის სახამებელი - 35 გ (20 გ კარტოფილში, 15 გ სტაფილოში)
  • მარილი და პილპილი - გემოვნებით
  • ზეთი - 3 ს/კ
მომზადების წესები

ბროკოლი გარეცხეთ და მოხარშეთ ადუღებულ მარილწყალში 3 წუთის განმავლობაში. შემდეგ გადაიტანეთ საწურზე.

500 გ გაფრცქვნილი და გარეცხილი კარტოფილი მოხარშეთ მარილწყალში, ნახარში გადაღვარეთ, დატოვეთ მხოლოდ 50 მლ ნახარში. გააკეთეთ მოხარშული კარტოფილისგან პიურე, დაუმატეთ 50 მლ ნახარში, 1 ს/კ ზეთი, აურიეთ და გააგრილეთ.

გაგრილებულ პიურეს დაუმატეთ 20 გ სიმინდის სახამებელი, პილპილი და 2 კბილი პრესში გატარებული ნიორი. 

ხახვი დაჭერით წმინდად და მოხრაკეთ 2 ს/კ ზეთში. დაუმატეთ საშუალო სისქეზე გახეხილი სტაფილო და თუშეთ, სანამ სტაფილო არ დარბილდება. გააგრილეთ და დაუმატეთ 15 გ სიმინდის სახამებელი და 2 კბილი პრესში გატარებული ან წმინდად დაჭრილი ნიორი, ასევე პილპილი და მარილი. კარგად აურიეთ.

სილიკონის ფორმას წაუსვით ცხიმი, გაანაწილეთ კარტოფილის პიურე, გაუკეთეთ მაღალი კიდეები, ზემოდან გაანაწილეთ ბროკოლი და კარგად დაპრისეთ, შემდეგ გაანაწილეთ სტაფილოს ფენა და ასევე დაპრისეთ. 

მოათავსეთ ფორმა 180 გრადუსზე გახურებულ ღუმელში და აცხვეთ 30-35 წუთის განმავლობაში.

შემდეგ გამოიღეთ, გააჩერეთ მობრაწულა ღუმელში 5 წუთით და გადმოაბრუნეთ სასურველ ჭურჭელზე ისე, რომ კარტოფილის ფენა ზემოდან მოექცეს.

გემრიელად მიირთვით!