საფანელში შემწვარი ბულგარული წიწაკა სპეციალური სოუსით
დრო 15წთ
ულუფა 4
სირთულე მარტივი
შეინახე რეცეპტი

ინგრედიენტები

  • ბულგარული წიწაკა - 3 ცალი
  • საფანელი - 1 ჭიქა
  • ნივრის ფხვნილი - 1 ჩ/კ
  • პაპრიკა - 1 ჩ/კ
  • მარილი - 1 ჩ/კ
  • ფქვილი ამოსავლებად
  • კვერცხი - 2-3 ცალი
სოუსი:
  • არაჟანი - 1 ჭიქა
  • მაიონეზი - 1 ჭიქა
  • კეტჩუპი - 2 ს/კ
  • ქინძი - 1 ს/კ
  • ვორჩესტერის სოუსი - 2 ს/კ
  • მარილი და პილპილი - გემოვნებით
მომზადების წესები

ბულგარული წიწაკა გარეცხეთ, მოაჭერით ყუნწი და დაჭერით წრეებად.

ერთ ჯამში ჩაყარეთ საფანელი, დაუმატეთ ნივრის ფხვნილი, პაპრიკა და მარილი, აურიეთ.

მეორე ჯამში ჩაყარეთ ფქვილი, ხოლო მესამეში ათქვიფეთ კვერცხი.

ამოავლეთ თითოეული წიწაკის ნაჭერი, ჯერ ფქვილში, შემდეგ კვერცხში, ბოლოს - საფანელში. 

მოათავსეთ პერგამენდაფენილი გამოსაცხობ ფირფიტაზე და შედგით 180 გრადუსზე გახურებულ ღუმელში 10 წუთით.

ამასობაში მოამზადეთ სოუსი: ერთმანეთში აურიეთ არაჟანი, მაიონეზი, კეტჩუპი, კინძი, ვორჩესტერის სოუსი, მარილი და პილპილი გემოვნებით.

ბულგარულის მზა ჩიფსები სუფრასთან მიიტანეთ სოუსთან ერთად.

გემრიელად მიირთვით!

ტეგები:
სოუსი ბულგარული წიწაკა ნანახია: 4098