პირველ რიგში მოამზადეთ ქათმის მარინადი: ამისათვის ბერძნულ იოგურტში (2 ჭიქა) აურიეთ ლიმონის წვენი, ზეითუნის ზეთი და ყველა ჩამოთვლილი სანელებელი. ქათმის ფილე დაბეგვეთ ოდნავ და ჩაალაგეთ იოგურტის მარინადში, აურიეთ კარგად და გააჩერეთ 1 საათი. ამასობაში მოამზადეთ სოუსი: გახეხეთ კიტრი წვრილად, გაწურეთ და აურიეთ 2 ჭიქა ბერძნულ იოგურტში, დაუმატეთ ლიმონის წვენი, დაჭყლეტილი ნიორი, წმინდად დაჭრილი ქინძი და კამა. მარილი და პილპილი გემოვნებით. ხის ჩხირზე ჩამოაცვით შუაზე გაჭრილი დიდი თავი ხახვი, ხოლო ზემოდან ააცვით ქათმის ფილეები. მოათავსეთ პერგამენტდაფენილ ღუმელის ფირფიტაზე და შეწვით 200 გრადუსზე გახურებულ ღუმელში 1 1/2-2 საათის განმავლობაში. შემდეგ დაჭერით ქათმის ფილე მოგრძო, თხელ ნაჭრებად, გაანაწილეთ თხელ ლავაშზე, მოაყარეთ დაჭრილი ხახვი, პომიდორი და გემრიელად მიირთვით!
