12-ვე კვერცხი ჩაახალეთ დიდ ჯამში, დაუმატეთ 1/2 ჭიქა რძე, მარილი და პილპილი. ათქვიფეთ კარგად და დაასხით ღუმელის ღრმა ფირფიტაზე. მოათავსეთ 180 გრადუსზე გახურებულ ღუმელში და აცხვეთ 20 წუთის განმავლობაში. ამასობაში მოამზდეთ დანარჩენი ინგრედიენტები. დაჭერით ბეკონი (თუ მთლიანი ნაჭერი და არა ფირფიტები გაქვთ) და შეწვით ტაფაზე ორივე მხრიდან. ისპანახი გარეცხეთ, გააშრეთ და მოაცალეთ ფოთლები. გამომცხვარი ერბოკვერცხი გადაიტანეთ პერგამენტის ქაღალდზე, ზემოდან დაალაგეთ ისპანახის ფოთლები ისე, რომ ერთი კიდე ცოტა თავისუფალი დატოვოთ. ზემოდან დაალაგეთ მდნარი ყველის ფირფიტები, შემდეგ ლორის ფირფიტები, ბოლოს კი შემწვარი ბეკონის ნაჭრები. გადაახავიეთ პერგამენტიანად მჭიდრო რულეტად და მოათავსეთ ამჯერად 150 გრადუსზე გახურებულ ღუმელში 20 წუთით. გემრიელად მიირთვით!