ბეილისის მუსი თეთრი შოკოლადის ჭიქებში
ბეილისის მუსი თეთრი შოკოლადის ჭიქებში
დრო 20წთ
ულუფა 6
სირთულე მარტივი
შეინახე რეცეპტი

ინგრედიენტები

  • თეთრი შოკოლადი - 400 გ
  • კვერცხის ცილა - 6 ცალი
  • შავი შოკოლადი - 400 გ
  • ლიქიორი ბეილისი - 200 მლ
  • შოკოლადის საკონდიტრო მოსართავები
მომზადების წესები

პლასტმასის ერთჯერადი ჭიქები ჩაჭერით ცალ მხარეს და შემდეგ დასკოჩეთ. თეთრი შოკოლადი დაამტვრიეთ და გაადნეთ წყლის აბაზანაზე ან მიკროტალღურ ღუმელში. ჩაასხით ჭიქებში გამდნარი შოკოლადი, მოავლეთ ჭიქას, რომ კედლებზე კარგად მოედოს, ზედმეტი კი გადმოღვარეთ. მოათავსეთ საყინულეში ჭიქები 15 წუთით, სანამ შოკოლადი კარგად არ გამკვრივდება.

მანამდე ათქვიფეთ კვერცხის ცილა მკვრივი ღრუბელივით მასის მიღებამდე. გაადნეთ შავი შოკოლადი, გააგრილეთ და დაუმატეთ ცილას, თან შეუჩერებლად ურიეთ. დაუმატეთ ბეილისი, კვლავ აურიეთ. გამოიღეთ ჭიქები მაცივრიდან, მოხსენით ფრთხილად პლასტმასები და გაანაწილეთ მუსი შოკოლადის ჭიქებში. მორთეთ საკონდიტრო შოკოლადის მოსართავებით.

გემრიელად მიირთვით!

ტეგები:
შოკოლადი მუსი ბეილისი ნანახია: 3495