ყვავილოვანი კომბოსტო ინდურად
ყვავილოვანი კომბოსტო ინდურად
დრო 40წთ
ულუფა 4
სირთულე საშუალო
შეინახე რეცეპტი

ინგრედიენტები

  • ყვავილოვანი კომბოსტო - 1 საშუაო ზომის თავი
  • მარილი - 1/2 ჩ/კ
  • ფქვილი - 1/2 ჭიქა
  • სიმინდის სახამებელი - 2 ს/კ
  • პაპრიკა - 1/2 ჩ/კ
  • კაიენური წიწაკა - 1/4 ჩ/კ
  • ნიორი - 2 კბილი
  • დაფქული ჯანჯაფილი (კოჭა) - 1 ჩ/კ
  • სოიოს სოუსი - 1 ჩ/კ
  • ზეთი შესაწვავად
სოუსი:
  • წყალი - 1/4 ჭიქა
  • სიმინდის სახამებელი - 2 ს/კ
  • ზეითუნის ზეთი - 2 ჩ/კ
  • ნიორი - 2 კბილი
  • მწვანე ხახვი - დაჭრილი, 1/2 ჭიქა
  • ტკბილი წიწაკა - დაჭრილი, 1 ჭიქა
  • ღვინის ძმარი - 2 ს/კ
  • ჩილის ტკბილის სოუსი - 2 ს/კ
  • ტომატის სოუსი - 1 ს/კ
  • სოიოს სოუსი - 1 ს/კ
  • წითელი წიწაკა, დაღერღილი - 1/2 ჩ/კ
  • მარილი - გემოვნებით
მომზადების წესები

გაარჩიეთ ყვავილოვანი კომბოსტო, დაანაწევრეთ ყვავილედებად, მოაყარეთ მარილი და მოათავსეთ მიკროტალღურ ღუმელში 5-7 წუთი (ან მოწალეთ მარილწყალში).

ჯამში ჩაყარეთ ფქვილი, დაუმატეთ 2 ს/კ სიმინდის სახამებელი, პაპრიკა 1/2 ჩ/კ, კაიენური წიწაკა 1/4 ჩ/კ, დაჭრილი ან პრესში გატარებული ნიორი, მარილი, ჯაჯაფილი, 1 ს/კ სოიოს სოუსი, აურიეთ და დაუმატეთ წყალი იმდენი, რომ მიიღოთ არაჟნის სისქის მასა. ჩაალაგეთ მიღებულ სოუსში ყვავილოვანი კომბოსტო, კარგად აურიეთ და შეწვით ფრიტიურში, ან ღრმა ტაფაში, ბევრ ზეთში. 

შემწვარი ყვავილოვანი კომბოსტო გადაიტანეთ ქაღლდდაფენილ გაშლილ ზედაპირზე.

მოამზადეთ ძირითადი სოუსი: ცალკე ჯამში ან ჭიქაში 1/4 ჭიქა წყალში გახსენით 2 ჩ/კ სიმინდის სახამებელი. ტაფაზე დაასხით ზეითუნის ზეთი, გააცხელეთ და მოხრაკეთ ნიორი, დაუმატეთ დაჭრილი მწვანე ხახვი, შემდეგ მოგრძო ნაჭრებად დაჭრილი ბულგარული და თუშეთ, სანამ ბოსტნეული არ დარბილდება. დაუმატეთ ძმარი, ჩილის ტკბილი სოუსი, ტომატის სოუსი (ან ტომატპასტა), სოიოს სოუსი, დაღერღილი წითელი წიწაკა. ნელ-ნელა დაასხით სახამებლიანი წყალი, თან შეუჩერებლად ურიეთ, სანამ მასა ბლანტი არ გახდება. წამოადუღეთ და ჩააწყვეთ მასში შემწვარი ყვავილოვანი კომბოსტო, დაუმატეთ გემოვნებით მარილი, თუშეთ 3-5 წუთი და გადმოდგით ცეცხლიდან.

გემრიელად მიირთვით!

ტეგები:
ყვავილოვანი კომბოსტო ნანახია: 8684