ბანანი დაბრაწულ ცომში
დრო 25წთ
ულუფა 5
სირთულე მარტივი
შეინახე რეცეპტი

ინგრედიენტები

  • ბანანი - 5 ცალი
  • შაქარი - 1/4 ჭიქა
  • ვანილინი - 1 ჩ/კ
  • ზეთი - 1/4 ჭიქა
  • კვერცხი - 1 ცალი
  • ფქვილი - 1 1/2 ჭიქა
  • გამაფხვიერებელი - 1 ჩ/კ
  • დარიჩინი - 1 ჩ/კ
  • მარილი - 1/4 ჩ/კ
  • ზეთი შესაწვავად
  • შაქრის პუდრა – მოსაყრელად
მომზადების წესები

ბანანი გაფცქვენით. მოაჭერით ორივე მხირადან ბოლოები. შუა ნაწილი წამოაცვით ხის (აჯობებს ნაყინის) ჩხირზე.

ჯამში ჩანგლით გაქენით ბანანის დარჩენილი ნაჭრები, აქციეთ პიურედ. დაუმატეთ შაქარი, ზეთი, ვანილინი და კარგად აურიეთ. დაუმატეთ ფქვილი, გამაფხვიერებელი, დარიჩინი და მარილი და კვლავ კარგად აურიეთ. 

გადაიტანეთ მიღებული მასა მოზრდილ, განიერყელიან ჭიქაში და ფრთხილად ჩადეთ ჩხირზე წამოცმული ბანანი. ამოავლეთ და შეწვით ფრიტიურში ყველა მხრიდან.

შემდეგ მოათავსეთ ქაღალდის ხელსახოცზე და მოაცილეთ ზედმეტი ცხიმი.

სურვილისამებრ მოაყარეთ შაქრის პუდრა ან ამოავლეთ გამდნარ შოკოლადში, ან კარამელის სოუსში.

გემრიელად მიირთვით!

ტეგები:
ცომი ბანანი ნანახია: 3076