მარგარინი გავადნოთ, შევურიოთ ცივი წყალი და შაქარი, სანამ ერთგვაროვან მასად გადაიქცევა. დავუმატოთ 0,5 ჩ/კ + 1 ს/კ ლიმონის წვენი და ფქვილი. უნდა მოვზილოთ ნაზი, ელასტიური ცომი. ვაშლი და ბანანი გავხეხოთ, გემოვნებით შევურიოთ შაქარი და ვანილი. ცომი დავყოთ 10 გუნდად, გავაბრტყელოთ, გულში ჩავუდოთ ხილის გულსართი, შევკრათ სასურველი ფორმით და გამოვაცხოთ 180 გრადუსზე, სანამ ღია ოქროსფერს მიიღებს. მზა ნაცხვარს მოვაყაროთ შაქრის პუდრი.