ტაფაზე გააცხელეთ ზეითუნის ზეთი, დაჭერით კუბიკებად ხახვი და მოხრაკეთ, სანამ ოქროსფერი არ გახდება. დაუმატეთ დაჭრილი წითელი ბულგარული, მწვანე წიწაკა, ხორცის ფარში და სუნელების მიქსი, ლაიმის წვენი, მარილი და პილპილი გემოვნებით. თუშეთ, სანამ ხორცი ბოლომდე არ მომზადდება. ტაკოსის (თხელი ლავაშის ფირფიტები) დაჭერით ბრტყელ ზოლებად. აიღეთ "ბურჟუიკა", მოასხით კულინარიული სპრეი, ან წაუსვით ცოტაოდენი ცხიმი. ჩაალაგეთ ლავაშის ფირფიტები ერთმანეთზე მიჯრით. მოაყარეთ გახეხილი ჩედერი, შემდეგ გაანაწილეთ ფარშის მასა, ზემოდან დააფინეთ კვლავ ლავაშის ფირფიტის ნაჭრები და მოაყარეთ გახეხილი პარმეზანი (ან სხვა მაგარი სახეობის გახეხილი ყველი), სულ ზემოდან კი მოაყარეთ კარტოფილის ჩიფსი. მოათავსეთ ფორმა 180 გრადუსზე გახურებულ ღუმელში და აცხვეთ 45 წუთის განმავლობაში. სუფრასთან მიიტანეთ სასურველ სოუსთან ერთად.