კომბოსტო და ხახვი თხლად ავკეპოთ და ზეთში მოვშუშოთ, დავუმატოთ დაჭრილი მწვანილი, მარილი, პილპილი და ნიორი. გულსართი გავაცივოთ. ცომი გავაბრტყელოთ, მრგვალ ნაჭრებად ამოვჭრათ ჭიქით ან სხვა ფორმით, ზედ გადავანაწილოთ გულსართი, გადმოვკეცოთ და ლამაზად შევკრათ. ღვეზელები დავაწყოთ თუნუქის ფურცელზე, წავუსვათ ზეთში არეული წყალი, მოვაყაროთ შავი სეზამის მარცვლები და გამოვაცხოთ 200 გრადუსზე დაახლოებით 20-25 წუთის განმავლობაში, სანამ დაიბრაწება.
