ქათმის ფილე მოათავსეთ ზიპიან პაკეტში, დაასხით სოიოს სოუსი, 1 ლიმონის წვენი, ზეითუნის ზეთიმარილი და პილპილი, კარგად შეანჯღრიეთ, გააჩერეთ რამდენიმე წუთით, შემდეგ კი შეწვით უწვავი ზედაპირის ტაფაზე ყველა მხრიდან. დაძენძეთ შემწვარი ფილე ორი ჩანგლის მეშვეობით. დაუმატეთ ბარბექიუს სოუსი, ან კეტჩუპი და კარგად აურიეთ. ტოსტის პურის ნაჭრები გაჭერით დიაგონალზე ისე, რომ მიიღოთ სამკუთხედები. დაალაგეთ ერთმანეთზე მიჯრით გამოსაცხობ ფორმაზე და წაუსვით კარაქში არეული წვრილად დაჭრილი, ან დანაყილი ნიორი. პურების ცენტრში გაანაწილეთ ქათმის ფილე, ზემოდან კი დაალაგეთ მორიგეობით ნაღების და ედამერის ყველის ფირფიტები. აცხვეთ 160 გრადუსზე 15 წუთის განმავლობაში. გემრიელად მიირთვით!