ქათმის რულეტი დაბრაწული კანით და წვნიანი გულსართით
დრო 90წთ
ულუფა 5
სირთულე საშუალო
შეინახე რეცეპტი

ინგრედიენტები

  • შებოლილი ბეკონი ან ლორი - 5 ფირფიტა
  • ხახვი - 1 თავი
  • ისპანახის ფოთლები - 2 ჭიქა
  • ქათმის ფილე - 5 ცალი
  • მარილი და პილპილი
  • ლორის ფირფიტები - 10 ცალი
  • ჰოლანდიური ყველის ფირფიტები - 12 ცალი
  • ფქვილი - 3 ჭიქა
  • კვერცხი - 8 ცალი
  • საფანელი - 3 ჭიქა
სოუსი:
  • კარაქი - 3 ს/კ
  • ნიორი - 2 კბილი
  • ფქვილი - 3 ს/კ
  • რძე - 2 ჭიქა
  • დიჟონის მდოგვი - 1/4 ჭიქა
  • მარილი და პილპილი
  • პარმეზანი, გახეხილი - 1 ჭიქა
მომზადების წესები

დაჭერით წვრილად ბეკონი, მოხრაკეთ გახურებულ ტაფაში. დაუმატეთ ნახევარწრეებად დაჭრილი ხახვი და ისპანახის ფოთლები. თუშეთ სანამ ბოსტნეული კარგად არ დარბილდება.

ქათმის თითოეული ფილე დაბეგვეთ, დაალაგეთ ერთმანეთზე მიჯრით საკვების შესაფუთ ცელოფანზე, მოაყარეთ მარილი და პილპილი. ზემოდან გაანაწილეთ ჯერ ლორის 10 ფირფიტა, შემდეგ ჰოლანდიური ყველის 12 ფირფიტა, შემდეგ მოხრაკული ლორი და ისპანახისი ფოთლები და გადაახვიეთ ცელოფნის მეშვეობით მჭიდროდ. ცელოფანს შეკუარით ბოლოები და მოათავსეთ რულეტი 1 საათით მაცივარში.

შემდეგ მოამზადეთ ცალკე განიერ ჭურჭელზე ფქვილი, ასევე განიერ ჭურჭლში (იმხელაში, რომ რულეტი ჩაეტიოს) ათქვიფეთ კვერცხი, მესამე თასში კი ჩაყარეთ საფანელი.

გამოიღეთ რულეტი მაცივრიდან, ამოავლეთ ჯერ ფქვილში, შემდეგ კვერცხში, შემდეგ - საფანელში, შემდეგ ისევ კვერცში, კვლავ საფანელში და მოათავსეთ ღუმელის გამოსაცხობ ფირფიტაზე. შედგით 190 გრადუსზე გახურებულ ღუმელში და აცხვეთ 40 წუთის განმავლობაში.

ამასობაში მოამზადეთ დრესინგი (სოუსი): პატარა ქვაბში გაადნეთ კარაქი, დაუმატეთ წვრილად დაჭრილი ნიორი, თან ურიეთ. როცა ნიორი მოიხრაკება, დაუმატეთ 3 ს/კ ფქვილი (არ შეწყვიტოთ მორევა), შემდეგ 1/4 ჭიქა დიჟნის მდოგვი, 2 ჭიქა რძე (განაგრძეთ მორევა), გახეხილი პარმეზანი, მარილი და პილპილი. როცა მასა გასქლედება და წამოდუღდება, გადმოდგით ცეცხლიდან.

შემწვარი რულეტი დაჭერით და სუფრასთან მიიტანეთ ყველის სოუსთან ერთად.

გემრიელად მიირთვით!

ტეგები:
ქათმის რულეტი ნანახია: 1586