ვაშლი გაფცქვენით და დაჭერით კუბიკებად. დაუმატეთ შაქარი, სახამებელი, დარიჩინი და მარილი, აურიეთ კარგად. გაშალეთ ცომი, ოდნავ გააბრტყელეთ და ამოჭერით წრეები ფართეყელიანი ჭურჭლის ან სპეციალური საჭრელის მეშვეობით. ერთ ცომის ფირფიტის გულში მოათავსეთ ვაშლის მასა, დააფარეთ ცომის მეორე ფირფიტა, კიდეები შეუწებეთ ჯერ ხელით, შემდეგ ჩანგლის მეშვეობით. ასევე ჯვრის ფორმით ჩაჩხვლიტეთ ზემოდანაც. დაალაგეთ ღვეზელები პერგამენტდაფენილ ღუმელის ფირფიტაზე, გადაუსვით ათქვეფილი კვერცხი და აცხვეთ 200 გრადუსზე გახურებულ ღუმელში 20 წუთის განმავლობაში. სანამ ღვეზელები ცხვება, მოამზადეთ კარამელი: პატარა ქვაბში გაადნეთ კარაქი, დაუმატეთ ყავისფერი შაქარი, მწიკვი მარილი, ვანილის ექსტრაქტი, თაფლი და ურიეთ ადუღებამდე. გადაიტანეთ მზა კარამელი სხვა ჭურჭელში და გააგრილეთ. გამომცხვარი ღვეზელები ამოავლეთ ამობურცული მხრიდან კარამელში და მოათვსეთ ცხაურზე, რომ ჩამოიღვენთოს ზედმეტი კარამელი. გემრიელად მიირთვით!