ლორისა და ცომის დაბრაწული ხვეულები
დრო 60წთ
ულუფა 10
სირთულე საშუალო
შეინახე რეცეპტი

ინგრედიენტები

  • თბილი წყალი - 1 1/3 ჭიქა
  • მშრალი საფუარი - 1 1/2 ჩ/კ
  • ფქვილი - 3 1/2 ჭიქა
  • პარმეზანი, გახეხილი - 1 ჭიქა
  • შაქარი - 2 ჩ/კ
  • გამაფხვიერებელი - 1 ჩ/კ
  • მსხვილი მარილი - 1 ჩ/კ
  • ხმელი ბაზილიკი - 1 ჩ/კ
  • ზეითუნის ზეთი - 2 ს/კ
  • ლორის გრძელი ფირფიტები - 30-35 ცალი
  • გამდნარი კარაქი - 5 ს/კ
  • ნიორი - 4 კბილი
  • პარმეზანი - 2 ჩ/კ
  • დაჭრილი ოხრახუში - მოსაყრელად
  • პომიდვრის სოუსი ან საწებელა - სერვირებისთვის
მომზადების წესები

თბილ წყალში გახსენით საფუარი და გააჩერეთ. ცალკე ჯამში ერთმანეთში აურიეთ ფქვილი, გახეხილი პარმეზანი (1 ჭიქა), შაქარი 2 ჩ/კ, გამაფხვიერებელი 1 ჩ/კ, მსხვილი მარილი 1 ჩ/კ, ხმელი ბაზილიკი, ხმელი ორეგანო (თითო ჩ/კ), დაუმატეთ ზეითუნის ზეთი და საფუვრიანი თბილი წყალი. მოზილეთ რბილი ცომი, მოათავსეთ ზეთწასმულ ჯამში, გადააფარეთ ცელოფანი ან ჩაის ტილო და გააჩერეთ ერთი საათი. 

შემდეგ ცომის პატარა ნაწილებისგან გააკეთე ლორის ფირფიტის სიგრძე მილები, მოათავსეთ ლორის თითოეულ ფირფიტაზე და განასკვეთ (იხ.ვიდეო). დაალაგეთ ხვეულები ცხაურზე და აცხვეთ 220 გრადუსზე გახურებულ ღუმელში 20 წუთის განმავლობაში. 

ამასობაში გაადნეთ კარაქი, დაჭერით ან გაატარეთ პრესში ნიორი, გახეხეთ პარმეზანი (შეგიძლიათ გამოიყენოთ სხვა მაგარი სახეობის ყველი), ყველაფერი აურიეთ ერთმანეთში. გამოიღეთ ღუმელიდან ხვეულები, გადაუსვით თითოეულს კარაქისა და ნივრის მასა და შეაბრუნეთ ღუმელში კიდევ 5 წუთი.

სუფრასთან მიტანამდე მოაყარეთ დაჭრილი ოხრახუში. მიირთვით პომიდვრის სოუსთან ერთად.

ტეგები:
ცომი ლორი წასახემსებელი ნანახია: 795