თაფლიანი ნამცხვარი - ბავშვობის გემო
თაფლიანი ნამცხვარი - ბავშვობის გემო
დრო 60წთ
ულუფა 6
სირთულე საშუალო
შეინახე რეცეპტი

ინგრედიენტები

  • თაფლი - 100 გ
  • კარაქი - 150 გ
  • კვერცხი - 3
  • ფქვილი - 390 გ
  • სოდა - 12 გ
  • შაქარი - 120 გ
  • არაჟანი - 500 გ
  • შაქარი კრემისთვის - გემოვნებით
მომზადების წესები
დარბილებული კარაქი ავთქვიფოთ მიქსერით.

ცალკე ავთქვიფოთ კვერცხები და შაქარი მოთეთრო მუსის მიღებამდე. შემდეგ ნელ-ნელა შევათქვიფოთ კარაქს.

თაფლი დაბალ ცეცხლზე გავაცხელოთ და შევურიოთ სოდა. კარგად ავურიოთ და კარაქიან მასას დავამატოთ. ბოლოს დავამატოთ ფქვილი. მივიღებთ რბილ, მაგრამ არამწებავ ცომს.

კარაქწასმულ ტაფაზე გავაბრტყელოთ თხელ ფენებად და  200 გრადუსზე გამოვაცხოთ რამდენიმე წუთით, სანამ ოქროსფერი არ გახდება.

ბოლომდე გავაციოთ და წავუსვათ კრემი.

კრემისთვის ავთქვიფოთ არაჟანი და შაქარი ერთად.

ზემოდან მოვაყაროთ ერთი დაფხვნილი ფენა ან დაფქული ნიგოზი.
ტეგები:
ცომი კრემი არაჟანი თაფლი ნანახია: 104121