ყველისა და კარტოფილის ჩხირები
ყველისა და კარტოფილის ჩხირები
დრო 30წთ
ულუფა 12
სირთულე მარტივი
შეინახე რეცეპტი

ინგრედიენტები

  • კარტოფილი - 4-5 ცალი
  • ნიორი - 2 კბილი
  • ოხრახუში - 2 ს/კ, დაჭრილი
  • პარმეზანი, გახეხილი - 1/2 ჭიქა
  • კვერცხი - 1 ცალი, დიდი ზომის
  • მარილი და პილპილი
  • მოცარელა ან სულგუნი - 12 ცალი ჩხირი
ამოსავლებად:
  • ფქვილი - 1 ჭიქა
  • კვერცხი - 3 ცალი, დიდი ზომის
  • საფანელი - 1 ჭიქა
  • ზეთი - შესაწვავად
მომზადების წესები

კარტოფილი გაფცქვენით და მოხარშეთ მარილწყალში. გადაწურეთ და გააკეთეთ პიურე. დაუმატეთ წვრილად დაჭრილი ან პრესში გატარებული ნიორი, წმინდად დაჭრილი ოხრახუში, გახეხილი პარმეზანი, 1 მოზრილი კვერცხი, მარილი და პილპილი. ყველაფერი კარგად აურიეთ.

აიღეთ მოცარელას ან სულგუნის 12 ჩხირი. მომზადებული პიურესგან გააკეთეთ გუნდები და გაახვიეთ ყველის ჩხირები. ამოავლეთ ჯერ ფქვილში, შემდეგ ათქვეფილ კვერცხში, ბოლოს კი საფანელში. შეწვით ფრიტიურში ან ღრმა ტაფაში, ბევრ ზეთში. გადაიტანეთ ცხაურზე შემწვარი ჩხირები, რათა მოშორდეს ზედმეტი ცხიმი.

სუფრასთან მიიტანეთ სასურველ სოუსთან ერთად. 

გემრიელად მიირთვით!

ტეგები:
კარტოფილი ყველი მოცარელა ნანახია: 6533