ბოსტნეულის პაელია
ბოსტნეულის პაელია
დრო 30წთ
ულუფა 5
სირთულე საშუალო
შეინახე რეცეპტი

ინგრედიენტები

  • ზეითუნის ზეთი - 2 ს/კ
  • ხახვი - 1 თავი
  • ნიორი - 4 კბილი
  • ტკბილი წიწაკა, ყვითელი - 1 ცალი
  • ტკბილი წიწაკა, წითელი - 1 ცალი
  • მწვანე ლობიო, ფრანგული ჯიშის - 1 ჭ
  • მრგვალი ბრინჯი - 1/2 ჭიქა
  • პაპრიკა, შებოლილი - 1/2 ჩ/კ
  • ტკბილი პაპრიკა - 1/2 ჩ/კ
  • ტომატპასტა - 1 ს/კ
  • მარილი და პილპილი - გემოვნებით
  • დაჭრილი პომიდორი საკუთარ წვენში, ცოცხალი ან კონსერვირებული - 1 ჭიქა
  • ბოსტნეულის ბულიონი - 3 ჭიქა
  • ზაფრანა - დაფქული, 1/2 ჩ/კ
  • დაფნის ფოთოლი - 2 ცალი
  • მწვანე ბარდა - 1/2 ჭიქა
  • ბრიუსელის კომბოსტო - 1/2 ჭიქა
  • ვეგანური ძეხვი - 1/2 ჭიქა (სურვილისამებრ)
  • ოხრახუში - 1/2 ჭიქა
  • ლიმონი - 1 ცალი
მომზადების წესები

ღრმა ტაფაში გაახურეთ ზეითუნის ზეთი, დაჭერით კუბიკებად ხახვი და მოხრაკეთ, სანამ არ გავარდისფრდება, დაუმატეთ დაჭრილი ნიორი და ისიც მოხრაკეთ. დაჭერით ორივე ფერის ტკბილი წიწაკა მოგრძო ნაჭრებად და ჩაყარეთ ტაფაში. დაუმატეთ მწვენე ლობიო, გარეცხილი ბრინჯი, ორივენაირი პაპრიკა, ტომატპასტა, მარილი და პილპილი დაუმატეთ გემოვნებით. დაჭერით პომიდორი (ან გამოიყენეთ უკვე დაჭრილი და დაკონსერვებული პომიდორი), დაუმატეთ დანარჩენ ინგრედიენტებს ტაფაში. აურიეთ კარგად. შემდეგ დაასხით 3 ჭიქა ბოსტნეულის ბულიონი, ჩააგდეთ 2 ცალი დაფნის ფოთოლი, დაუმატეთ ზაფრანა, მწვანე ბარდა, ბრიუსელის კომბოსტო და სურვილისემებრ ვეგანური დაჭრილი ძეხვი. აურიეთ კარგად, დააფარეთ თავსახური და თუშეთ 10 წუთის განმავლობაში. შემდეგ გადმოდგით ცეცხლიდან და გააჩერეთ თავდახურულ ჭურჭელში კიდევ 10 წუთი. 

სუფრასთან მიტანის წინ მოაყარეთ დაჭრილი ოხრახუში და გააფორმეთ ლიმონის ნაჭრებით.

გემრიელად მიირთვით!

 

ტეგები:
ბოსტნეული პაელია ნანახია: 4211