შვრიის ხრაშუნები
შვრიის ხრაშუნები
დრო 60წთ
ულუფა 40
სირთულე საშუალო
შეინახე რეცეპტი

ინგრედიენტები

  • დარბილებული კარაქი - 200 გ
  • შაქარი - 200 გ
  • კვერცხი - 2
  • დაფქული ნიგოზი - 60 გ
  • ქიშმიში და სხვადასხვა ჩირი (ალუბლის, მარწყვის, ჯანჯაფილის, შტოშის) - 2/3 ჭიქა
  • შვრია - 2.5 ჭ
  • შოკოლადის წვეთები - 2/3 ჭ
  • ფქვილი - 100 გ
  • სოდა - 1/2 ჩ.კ
  • მსხვილი მარილი - 1/2 ჩ.კ
მომზადების წესები
კარგად დარბილებული კარაქი ავთქვიფოთ შაქართან ერთად, შევათქვიფოთ კვერცხები. შემდეგ დანარჩენი ინგრედიენტები: ჯერ ნიგოზი, შემდეგ ფქვილი და სოდა. დავამატოთ ჩირები და შოკოლადიც. თუ ჯანჯაფილის ჩირსაც ვამატებთ, გავითვალისწინოთ მისი მძაფრი გემო და ბევრი არ მოგვივიდეს, 1.5-2 ს.კ დაჭრილი ჯანჯაფილის ჩირი საკმარისი იქნება. შევურიოთ შვრიის ფანტელიც, ბოლოს კი მსხვილი მარილი.
ცომი ცოტა ხნით მაცივარში შევდგათ, შემდეგ კი გავაკეთოთ კაკლისხელა ბურთები და ქაღალდჩაფენილ ტაფაზე დავალაგოთ. გამოვაცხოთ 180 გრადუსზე, დაახლოებით 20 წუთის განმავლობაში, სანამ სასიამოვნო ოქროსფერს არ მიიღებს. უგემრიელესი ხრაშუნა შეგიძლიათ შეინახოთ ჰერმეტულად დახურულ ქილაში და 1 კვირაც კი.