როგორ დავაკონსერვოთ მჟაუნა, რომ მთელი წელი ვისიამოვნოთ გემრიელი წვნიანით?
როგორ დავაკონსერვოთ მჟაუნა, რომ მთელი წელი ვისიამოვნოთ გემრიელი წვნიანით?
დრო 45წთ
ულუფა 1
სირთულე მარტივი
შეინახე რეცეპტი

მიუხედავად იმისა, რომ მჟაუნა თითქმის მთელი წლის მანძილზე იყიდება, ბევრი დიასახლისი უპირატესობას დაკონსერვებულ ფოთლებს ანიჭებს. თუ გადაწყვეტთ, შინ მუდამ გქონდეთ ეს სასარგებლო პროდუქტი, იხელმძღვანელეთ ამ რეცეპტით.

ამისათვის დაგჭირდებათ წყალი და მარილი, მჟავიანობა თავად პროდუქტშიც საკმარისად არის. 
გაითვალისწინეთ, რომ დაკონსერვებისას მჟაუნა მკვეთრად იკლებს მოცულობაში, ამიტომაც მოიმარაგეთ საკმარისი რაოდენობის ფოთლები.


კარგი იქნება, თუკი მჟაუნას სხვა ფოთლოვანებთან ერთად დააკონსერვებთ. მაგალითად, ისპანახის ან ჭარხლის ფოთლებთან ერთად. ამ შემთხვევაში უნდა დაიცვათ შემდეგი შესაბამისობა: 50 % ისპანახი (ან ჭარხლის ფოთოლი), 25 % მჟაუნა და 25 % წყალი. 

ინგრედიენტები

  • მჟაუნა - 1 კგ
  • წყალი - 1 ლ
  • მარილი - 2 ჩ/კ
მომზადების წესები

მჟაუნა დაალბეთ ცივ წყალში 30 წუთით. შემდეგ კარგად გარეცხეთ გამდინარე ცივ წყალში, გაარჩიეთ, მოაცილეთ ხმელი და გაფუჭებული ფოთლები. გაასტერილეთ ქილები და თავსახურები 10 წუთის განმავლობაში. 
მჟაუნის ფოთლები და ღერები დაჭერით საშუალო ზომის ნაჭრებად.

 


აადუღეთ წყალი და გააგრილეთ, ოღონდ ძალიან არ გაააცივოთ. უნდა დარჩეს თბილი წყალი. 
გაანაწილეთ დაჭრილი მჟაუნა გაასტერილებულ ქლებში, დააყარეთ თითო (ლიტრიან ქილაში) 2 ჩ/კ მარილი, დაასხით წყალი და დახუფეთ ქილები. ამოაბრუნეთ ქილები თავსახურით ქვემოთ, შეფუთეთ პლედში და გააჩერეთ ასე, სანამ ქილები მთლიანად არ გაცივდება. შემდეგ კი შეინახეთ ქილები ბნელ ადგილას.
 

ტეგები:
კონსერვი მჟაუნა ნანახია: 1471