ბისკვიტისთვის გაადნეთ კარაქი. დაფხვენით „პეჩენია“ სამზარეულოს კომბაინში წმინდად, დაუმატეთ კარაქი და აურიეთ. გადაიტაანეთ 22 სმ დიამეტრის ფორმაში და კარგად ჩატკეპნეთ ჩიქის მეშვეობით. გადააფარეთ საკვების შესაფუთი ცელოფანი და მოათავსეთ საყინულეში 15 წუთით. მიქსერით ათქვიფეთ კრემ-ყველი შაქრის პუდრასთან, ვანილის ექსტრაქტთან და ლიმონის წვენთან ერთად. მეორე ჯამში ათქვიფეთ ნაღები ჰაეროვანი მასის მიღებამდე. ფაქიზად შეურიეთ ნაღები კრემ-ყველის მასას ხის ნიჩბით. დაჭერით მარწყვი ოთხად. შეათბეთ ჯემი და შეურიეთ ჯემს დაჭრილი მარწყვის ნაწილი. ცოტაოდენი კენკრა შეინახეთ მოსართავად. გამოიღეთ ბისკვიტი საყინულედან, მოხსენით ცელოფანი და გაანაწილეთ ზემოდან ნაღების კრემი. შემდეგ გაანაწილეთ მარწყვის ჯემი. ზემოდან მორთეთ ცოცხალი კენკრით. მიირთვით მაშინვე, ან შეინახეთ მაცივარში 2-3 საათით. გემრიელად მიირთვით!
