პიცა-ტაკოსი ქათმის მწვადით
დრო 30წთ
ულუფა 8
სირთულე საშუალო
შეინახე რეცეპტი

ინგრედიენტები

  • ქათმის ფილე - 2 ცალი
  • მარილი - 2 ჩ/კ
  • პაპრიკა - 1 ჩ/კ
  • შავი პილპილი - 1 ჩ/კ
  • ნივრის ფხვნილი - 1 ჩ/კ
  • ბარბექიუს სოუსი ან კეტჩუპი - 1/4 ჭიქა
  • თაფლი - 1/4 ჭიქა
  • ზეთი - 1 ს/კ
  • ტორტილას ლავაშები - 15 ცალი (პატარები) ან დაჭრილი სომხური ლავაში
  • გახეხილი ყველის მიქსი - 1 ჭიქა (პარმეზანი და ჩედერი)
  • წითელი ხახვი - 1/2 ჭიქა, დაჭრილი
  • ბეკონის ან ლორის ფირფიტები - 8 ცალი, შემწვარი
  • დაჭრილი ოხრახუში - 1 ს/კ
მომზადების წესები

დაჭერით ქათმის ფილე კუბიკებად, ჩაყარეთ ჯამში, მოაყარეთ მარილი, პაპრიკა, პილპილი, ნივრის ფხვნილი, ბარბექიუს სოუსი (ან კეტჩუპი), თაფლი. ყველაფერი კარგად აურიეთ და შეწვით კარგად გახურებულ ზეთში ყველა მხრიდან.

ღუმელის ფირფიტაზე დაალაგეთ ტორტილას ფირფიტები (ან დაჭერით პატარა წრეებად სომხური ლავაში) ერთმანეთზე მიჯრით. ზემოდან მოაყარეთ გახეხილი ყველის მიქსი, დაჭრილი ხახვი, შემწვარი და წვრილად დაჭრილი ლორი, გაანაწილეთ მთელ ზედაპირზე შემწვარი ქათმის ფილე, ბოლოს კი მოაყარეთ დაჭრილი ოხრახუში. შედგით 180 გრადუსზე გახურებულ ღუმელში 10 წუთით.

მიირთვით ცხელ-ცხელი!

ტეგები:
პიცა ქათმის მწვადი ტაკოსი ნანახია: 2295