სუპერ-შოკოლადის უთხელესი ტარტი
სუპერ-შოკოლადის უთხელესი ტარტი
დრო 60წთ
ულუფა 6
სირთულე საშუალო
შეინახე რეცეპტი

ინგრედიენტები

ბისკვიტი:
  • კარაქი - 150 გ
  • შაქრის პუდრა - 1/2 ჭიქა
  • კვერცხი - 1 ცალი
  • მწიკვი მარილი
  • ფქვილი - 1 1/2 ჭიქა
  • კაკაო - 2 ს/კ
შოკოლადის განაში:
  • წყალი - 1/4 ჭიქა
  • კარაქი - 1 შეკვრა
  • ხსნადი ყავა - 1 ჩ/კ
  • შავი შოკოლადი - 1 ჭიქა
  • შაქარი - 1/3 ჭიქა
  • ვანილი - 1 ჩ/კ
  • კვერცხი - 3 ცალი
  • შაქრის პუდრა - მოსაყრელად
  • ჟოლო - მოსართავად
მომზადების წესები

თავდაპირველად მოამზადეთ ბისკვიტი: დარბილებულ კარაქთან ერთად ათქვიფეთ შაქრის პუდრა გათეთრებამდე. ცალკე ჯამში ჩანგლით ოდნავ ათქვიფეთ კვერცხი და ნაწილ-ნაწილ შეურიეთ კარაქის მასას. დაუმატეთ მწიკვი მარილი და ჩააცერით ფქვილი და კაკაო. მოზილეთ ცომი. გაახვიეთ ცელოფანში და მოათავსეთ მაცივარში 30 წუთი.

აიღეთ ტარტის ფორმა. გააბრტყელეთ ცომი თხლად და ჩააფინეთ ფორმაში ფრთხილად. კიდეები შეუსწორეთ ფორმის მიხედვით. დაჩხვლიტეთ ზედაპირი. მოათავსეთ 190 გრადუსზე გახურებულ ღუმელში 15 წუთი. 

მოამზადეთ შოკოლადის განაში: ცეცხლზე ქვაბით დადგით წყალი, როგორც კი შეცხელდება დაუმატეთ კარაქი, თან ურიეთ, დაუმატეთ ხსნადი ყავა და როგორც კი მასა წამოდუღდება, გადმოდგით ცეცხლიდან. ჯამში ჩაყარეთ დამტვრეული შავი შოკოლადი, დაუმატეთ შაქარი, ვანილი და დაასხით ყავის ცხელი მასა. ურიეთ ერთგვაროვანი მასის მიღებამდე. ჩაახალეთ 3 კვერცხი და კვლავ კარგად ააურიეთ. დაასხით გამომცხვარ ტარტს შოკოლადის განაში და შედგით კვლავ 190 გრადუსზე გახურებულ ღუმელში 15 წუთით. 

სუფრასთან მიტანამდე მორთეთ ჟოლოთი და შაქრის პუდრით.