ბადრიჯანი სიცილიურად
დრო
25წთ
ულუფა
5
სირთულე
მარტივი
შეინახე
რეცეპტი
ბადრიჯანი თინუსის პაშტეტით - ამბობენ, რომ ამ კერძს სიცილიელები ხშირად პიკნიკზე ამზადებენ და როგორც წესი, ბადრიჯანს ამ დროს გრილზე წვავენ. ჩვენ ღუმელში მოვამზადებთ - ასე კერძი არანაკლებ გემრიელი გამოვა.
ინგრედიენტები
- ბადრიჯანი - 2 ცალი
- ზღვის მარილი - გემოვნებით
- ხმელი ქონდარი - 20 გ
- თეთრი მშრალი ღვინო - 2 ს/კ
- წითელი ხახვი - 1/2 ცალი
- ზეითუნის ზეთი - გემოვნებით
- შავი პილპილი - გემოვნებით
- თინუსი საკუთარ წვენში, დაკონსერვებული - 400 გ
- ლაიმი - 1 ცალი
- კაპერსები - 8 ცალი
მომზადების წესები
დაჭერით ბადრიჯანი გრძელ, თხელ ნაჭრებად. ღუმელის ფირფიტაზე დააფინეთ პერგამენტი. დაალაგეთ ზედ ბადრიჯნის ნაჭრები. მოასხით ზეითუნის ზეთი, მოაყარეთ მარილი და პილპილი, ასევე ხმელი ქონდარი.
აცხვეთ 20 წუთი. 10-10 წუთი თითოეულ მხარეს, 120 გრადუსზე გახურებულ ღუმელში.
გახსენით თინუსის ქილა, გადაუღვარეთ წვენი. გაქენით ჩანგლით, დაუმატეთ კაპერსები და ღვინო და დააბლენდერეთ.
გადმოიტანეთ შემწვარი ბადრიჯანი თეფშზე, ზემოდან გაანაწილეთ თინუსის პაშტეტი, მოასხით ლაიმის წვენი და მორთეთ ლაიმის ნაჭრებითა და დაჭრილი წითელი ხახვით.
გემრიელად მიირთვით!
