შოკოლადის ბლინები ნაყინით და თხილით
დრო 30წთ
ულუფა 4
სირთულე საშუალო
შეინახე რეცეპტი

ინგრედიენტები

  • კვერცხი - 2 ცალი
  • შაქარი - 1/2 ჭიქა
  • რძე - 1/4 ჭიქა
  • ვანილი - 1 ს/კ
  • კარაქი - 1/4 ჭიქა
  • ფქვილი - 1/2 ჭიქა
  • კაკაო - 1 ს/კ
  • შოკოლადი - 1 ფილა
  • ქოქოსის ზეთი - 1/4 ჭიქა
  • ვანილის ნაყინი
  • დაჭრილი ნიგოზი, თხილი ან ნუში
მომზადების წესები

2 კვერცხი ათქვიფეთ 1/2 შაქართან ერთად, დაუმატეთ რძე, ვანილი, გამდნარი კარაქი, აურიეთ და ჩააცერით 1/2 ჭიქა ფქვილი და 1 ს/კ კაკაოს ფხვნილი. აურიეთ და შეწვით ბლინები ორივე მხრიდან.

შემდეგ გადაიგანეთ ცხაურზე, დააფინეთ პერგამენტი და დააწექით ხელით, რომ დალიანდაგდეს ბლინები. შემდეგ აიღეთ სილიკონის ფორმა, გადმოაბრუნეთ და ჩაალაგეთ მოკეცილი ბლინები ამობურცულ ადგილებს შორის. მოათავსეთ საყინულეში 15 წუთით, რათა ბლინებმა ფორმა შეინარჩუნოს.

ამასობაში, გახეხეთ შოკოლადის ფილა, დაასხით ქოქოსის ზეთი და შედგით მიკროტალღურ ღუმელში 2 წუთით.

შემდეგ აურიეთ ერთგვაროვანი მასის მიღებამდე. ფორმამიცემულ ბლინებს შიგნიდან წაუსვით შოკოლადი, მოათავსეთ კვლავ საყინულეში 15 წუთით, შემდეგ გამოიღეთ ჩადეთ გულში ვანილის ნაყინი და შედგით ახლა მაცივარში 2 საათით. სუფრასთან მიტანამდე ბლინების კიდეები ამოავლეთ ჯერ გამდნარ შოკოლადში, შემდეგ კი დაჭრილ თხილში.

გემრიელად მიირთვით!