გამომცხვარი ბოსტნეული ხორცის ფარშით
გამომცხვარი ბოსტნეული ხორცის ფარშით
დრო 90წთ
ულუფა 6
სირთულე საშუალო
შეინახე რეცეპტი

ინგრედიენტები

  • ბადრიჯანი - 1 კგ
  • პომიდორი - 1 კგ
  • ბულგარული წიწაკა - 500 გ
  • ხორცის ფარში - 600 გ
  • ხახვი - 3 თავი
  • ნიორი - 2 კბილი
  • ქინძი, რეჰანი, ოხრახუში - თითო კონა
  • ცხიმი - 1 ს/კ
  • მარილი და წიწაკა
  • ძირა
მომზადების წესები

ხახვი წვრილად დავჭრათ. წიწაკებს ამოვაცალოთ თესლი და მეოთხედებად დავჭრათ. პამიდვრები გავჭრათ შუაზე, ბადრიჯნები – მსხვილ, მოგრძო ნაჭრებად. ხახვი ხორცის ფარშთან ერთად მოვშუშოთ. შუშვისას დავუმატოთ ცოტა წყალი. ფარშს დავუმატოთ სანელებლები და ნიორი. საცხობ ფორმას წავუსვათ ცხიმი, ჩავაწყოთ ბადრიჯანი, შემდეგ წიწაკა, ხორცის ფარში, დაჭრილი მწვანილი და ბოლოს – პამიდვრები. ყველა ფენას მოვაყაროთ მარილი და წიწაკა. პამიდვრებს ზემოდან წავუსვათ ცოტა ცხიმი და შევდგათ 200 გრადუსზე გახურებულ ღუმელში, სანამ მომზადდება.