გულ-ღვიძლი კარგად გარეცხეთ, მოაცილეთ ზედმეტი ცხიმი და დაჭერით პატარა კუბიკებად. ხახვი დაჭერით თხელ ნახევარწრეებად, მოხრაკეთ ზეთისა და კარაქის ნარევში, დაუმატეთ დაჭრილი ნიორი. მოხრაკული ნიორი და ხახვი ამოიღეთ ტაფიდან და იგივე ცხიმში მოხრაკეთ გულ-ღვიძლი. დაუმატეთ მშრალი აჯიკა, დაფნის ფოთოლი, ხმელი სუნელი, მარილი და პილპილი და კარგად აურიეთ. ჩაასხით ღვინო, დააფარეთ თავსახური და თუშეთ დაბალ ცეცხლზე 30 წუთის განმავლობაში. მოთუშული ღვიძლი გადაიტანეთ გაშლილ ლანგარზე, მოაყარეთ ბროწეულის მარცვლები და დაჭრილი ოხრახუში. გემრიელად მიირთვით!
