დაადგით ქვაბი და მოხარშეთ მაკარონი ინსტრუქციის მიხედვით; დაჭერით ქათმის ფილე პატარა კუბებად, ზომით 2*2 სმ. მოაყარეთ დაფქვილი ქინძი, ძირა და კურკუმა, აურიეთ კარგად; დაჭერით ბოსტნეული 2-3 სმ სიგრძის, თხელ, დიაგონალურ ნაჭრებად; გაახურეთ ტაფა, დაასხით ცხიმი და მობრაწეთ ხორცი, როცა მზადიქნება - ქაფქირით გადმოიღეთ ტაფიდან, რომ ცხიმი არ აყვეს; ამავე ტაფაში ჩაუშვით ჯერ სტაფილო და სიმინდი, მალევე ჩაამატეთ მწვანე ხახვიც, 2 წუთში ბოსტნეული მზად იქნება; მზა ბოსტნეულს დააყარეთ ხორცი, მოურიეთ და მოასხით სატე სოუსი, შეამატეთ 50-70 მლ.ლ წყალი, რომ კარგად, კრემისებურად მოედოს მთელ მასას (სოუსის სახლში მომზადებისას წყლის დამატება საჭირო არ არის); როცა სითხე ბუშტებს გაიჩენს - ჩაამატეთ მაკარონიც, კარგად მოურიეთ, მოაყარეთ დაჭრილი მწვანე ხახვი და ქინძი; სუფრასთან მიიტანეთ ოდნავ შეგრილებული. გემრიელად მიირთვი!
