განსხვავებული და ფუმფულა ოლადები ხაჭოთი
განსხვავებული და ფუმფულა ოლადები ხაჭოთი
დრო 30წთ
ულუფა 2
სირთულე მარტივი
შეინახე რეცეპტი

განსხვავებულობა იმაში გამოიხატება, რომ  ამ რეცეპტით თხელ, არაჟნისმაგვარ მასას არ მიიღებთ.  იდეალური ხაჭოს ოლადების  მთავარი საიდუმლო თავად ხაჭოს მომზადებაშია. იგი უნდა იყოს არანაკლებ 9%–იანი, გამოყენებამდე კი უნდა გაწუროთ.

ინგრედიენტები

  • ხაჭო - 500 გ
  • კვერცხი - 2 ცალი
  • ფქვილი - 6 სკ
  • შაქარი - 2 სკ
  • ზეთი - 5 სკ
  • მწიკვი მარილი
მომზადების წესები

ხაჭოს ხელით ან ჩანგლით კარგად დავსრისოთ. დავამატოთ ორი კვერცხი, შაქარი და მწიკვი მარილი. ინგრედიენტები კვლავ ხელით შევურიოთ ერთმანეთს.
მასას დავამატოთ ფქვილი და ხის ან სილიკონის კოვზით ამოვურიოთ.
ცომისგან გავაკეთოთ პატარა გუნდები და ოლადების ფორმა მივცეთ. ტაფაზე ზეთი დავასხათ და გამოვაცხოთ ოლადები ორივე მხრიდან 5–5 წუთით. ხშირად გადავატრიალოთ, რომ არ დაიწვას.

ტეგები:
ხაჭო საუზმე დესერტი ოლადები ნანახია: 54