დიმუ მენაბდის კერძი - ქართული ბურგერი
დიმუ მენაბდის კერძი - ქართული ბურგერი
დრო 0წთ
ულუფა 0
სირთულე მარტივი
შეინახე რეცეპტი

ინგრედიენტები

  • საქონლის ფარში
  • რაჭული ლორის ცხიმი
  • დაკეპილი რაჭული ლორი
  • მარილი და პილპილი
  • შებოლილი სულგუნი
  • ნაღები
  • ყველი ჩედარი
  • ბადრიჯანი
  • ფქვილი
  • კვერცხი
  • პანკო
  • ზეთი
  • ქინძი
  • შაქარი
  • მარილი და პილპილი
  • ზეითუნის ზეთი
  • ძმარი
  • შოთის პური
  • ნიორი
  • კარაქი
მომზადების წესები

ნაბიჯი 1: ბურგერის ხორცის მომზადება


170 გრ. საქონლის ფარშს ვუმატებთ  30 გრ. რაჭული ლორის ცხიმს, 30 გრ. დაკეპილ რაჭულ ლორს,  მარილსა და პილპილს (გემოვნებით). ვურევთ კარგად, ვზელთ და ვწვავთ.

 

ნაბიჯი 2: სოუსის მომზადება


შებოლილ, დახეხილ სულგუნს (50გრ.) ვუმატებთ 20%-იან (50გრ.) ნაღებს, გახეხილ ჩედარს (100გრ.). ვასხამთ ტაფაში, ვდგამთ დაბალ ცეცხლზე და ვურევთ ერთგვაროვან მასამდე.

 

ნაბიჯი 3: ბადრიჯნის რგოლების მომზადება


ბადრიჯანს ვჭრით რგოლებად. შუაგული ამოვუღოთ, ვავლებთ ფქვილში, კვერცხსა და პანკოში, ვწვავთ ფრიწიურში ან ბევრ ზეთში ტაფაზე. ვაწყობთ თეფშზე, ამ რგოლებს ვუსვამთ შაქარს, მარილს, პილპილს, ზეითუნის ზეთს, ძმარს და ვაყრით წვრილად დაჭრილ ქინძს.

 

ნაბიჯი 4: ბურგერის პურის მომზადება


ვჭრით შოთის პურს დიდ, მრგვალ ფორმაზე. ტაფაზე ვდებთ კარაქსა და დაჭყლეტილ ნიორს, ცოტა მარილს და ვწვავთ დაჭრილი პურის ძირებს.

 

 ნაბიჯი 5: სერვირება

 

დავალაგოთ თანმიმდევრობით: პური, რუკოლა, ხორცი, ყველის სოუსი, ბადრიჯნის რგოლები, ისევ ყველის სოუსი. პურის თავი დავდოთ გვერდით, გაფორმებისთვის.

 

გემრიელად მიირთვით!

 







 

ტეგები:
მასტერშეფი ნანახია: 260