ნაბიჯი 1:თეთრ სატაცურს ვწალავთ წყალში 2 წუთის განმავლობაში, დარბილების შემდეგ, ვიღებთ წყლიდან. ნაბიჯი 2: ვხრაკავთ ხახვს, ღვინოსთან ერთად, შემდეგ ვამატებთ სატაცურს (2 წუთი ვაჩერებთ ტაფაზე) ნაბიჯი 3: ბლენდერში ამ მასას ვუმატებთ რძეს, ნაღებს, პილპილსა და მარილს (გემოვნებით).ვაბლენდერებთ ძალიან თხელ მასამდე, შემდეგ, ვატარებთ სიტაში. ვუმატებთ ჟელატინს, ვასხამთ სპეციალურ ფორმაში და ვაციებთ მაცივარში, დაახლოებით, ერთი საათი. ნაბიჯი 4: ჟოლოს სოუსის მომზადება ვადუღებთ ჟოლოს სოუსს ერთფეროვან მასამდე და სიტკობისთვის, ვუმატებთ შაქრის პუდრას, ამას კიდევ ვუმატებთ ცოტა ლიმონს. ნაბიჯი 5:მუსის მომზადება მაჰი მაჰის ფილეს ვჭრით, ვყრით ბლენდერში და ცივ ნაღებთან ერთად ვაბლენდერებთ (ფაფუკი, ერთგვაროვანი მასის მიღებამდე), შემდეგ ვუმატებთ მარილსა და პილპილს. ნაბიჯი 6: ტარტარის მომზადება ტარტარისთვის, მაჰი მაჰის ფილეს ვჭრით პატარა ოთხკუთხედ ნაჭრებად, ვუმატებთ მარილსა და პილპილს. შემდეგ ვუმატებთ უკვე მომზადებულ ჟოლოს სოუსსა და ლიმონს. ნაბიჯი 7: ბროწეულის ხიზილალის მომზადება ბროწეულის ხიზილალისთვის, ვწურავთ ბროწეულს, ვიღებთ წვენს და ვადუღებთ აგარ-აგართან ერთად, შემდეგ, ვაციებთ რამდენიმე წუთი და ნემსის საშუალებით, ვყრით პატარ-პატარა ბურთულებს, წინასწარ გაციებულ ზეთში. (ზეთი, საყინულეში, მინიმუმ, 1 საათი უნდა იყოს). ბოლოს, ვწურავთ ზეთისგან ხიზილალებს. გემრიელად მიირთვით!