როგორ მოვამზადოთ გურული საშობაო ღვეზელი - თამთა კიკალეიშვილის რეცეპტი
როგორ მოვამზადოთ გურული საშობაო ღვეზელი - თამთა კიკალეიშვილის რეცეპტი
დრო 0წთ
ულუფა 0
სირთულე მარტივი
შეინახე რეცეპტი

გურული ღვეზელი, რომელსაც საშობად ამზადებენ, საოცარი გემოთი და არომატით გამოირჩევა. გთავაზობთ რეცეპტს შეფმზარეულ თამთა კიკალეიშვილისგან.

ინგრედიენტები

  • ფქვილი - 400 გ
  • კარაქი - 150 გ
  • კვერცხი - 2 ( + დამატებით გულსართისთვის)
  • არაჟანი - 100-150 გ
  • მარილი - 1 ჩკ
  • სოდა - 1/3 ჩკ
მომზადების წესები

კარაქი ჩავახეხოთ ფქვილში და ერთმანეთში შევაზილოთ. 


ცალკე ჯამში მოვათავსოთ ერთი მთლიანი კვერცხი და ერთი კკვერცხის გული. დავუმატოთ არაჟანი კვერცხს და ავთქვიფოთ.
ფქვილს დავუმატოთ 1ჩკ მარილი და 1/3 ჩკ სოდა.


არაჟანისა და კვერცხის მასა დავუმატოთ ფქვილს და მოვზილოთ ცომი.


ცომი ჯამში მოვათავსოთ, სამზარეულოს ცელოფანი გადავაკრათ და 20 წუთით შევდოთ მაცივარში.


მოხარშული კვერცხი დავჭრათ რგოლებად. ცომი გავაბრტყელოთ და ამოვჭრათ სასურველი ზომის რგოლები. მათზე მოვათავსოთ ყველი, მოხარშული კვერცხის ორი ნაჭერი და გადავკეცოთ.


გამოვაცხოთ 200 გრადუსზე 15-20 წუთით. გამომცხვარ ღვეზელს თავზე გადავუსვათ კარაქი.
 

გემრიელად მიირთვით!