თბილ რძეში გახსენით შაქარი და საფუარი. თავზე გადააფარეთ ნაჭერი და დააყოვნეთ 10 წუთით. რძეში ჩაახალეთ ერთი კვერცხი, დაუმატეთ მცენარეული ზეთი და მარილი. კარგად ათქვიფეთ, დაუმატეთ ფქვილი და მოზილეთ ცომი. დააყოვნეთ 1 საათით. მიღებული ცომი ფქვილმოყრილ დაფაზე გადაიტანეთ და ერთხელ კიდევ გადაზილეთ. ცომი გაყავით ორ ნაწილად. ორივე ნაწილი გააბრტყელეთ. ერთი ფენა დააფინეთ გამოსაცხობ ფორმაზე (24 სმ დიამეტრის). ვამზადებთ შიგთავსს: თასში მოათავსეთ გახეხილი ყველი, ხახვი, წითელი წიწაკა და დაჭრილი ოხრახუში. ცომზე გადაიტანეთ შიგთავსი და კარგად გადაანაწილეთ. თავზე ცომის მეორე ნაწილი დაადეთ და გვერდები კარგად დაუფიქსირეთ. თავზე გადაუსვით მცენარეული ზეთი. სურვილისამებრ, მოაყარეთ შავი პილპილი და პაპრიკა. გამოაცხვეთ 220 გრადუსზე 20 წუთის განმავლობაში. გემრიელად მიირთვით!
