ტაფაზე დაასხით ზეთი, დააყარეთ 2 სკ დაჭრილი ნიორი, ერთი დიდი ხახვი (წვრილად დაჭრილი), ნიგელას თესლი, დაჭრილი მწვანე წიწაკა და მარილი გემოვნებით. კარგად მოურიეთ და დააუმატეთ ისპანახი. ისპანახი ფორმაში რომ დაპატარავდება და კარგად მოითუშება, ტაფაზევე დაკეპეთ ხის მოსარევი კოვზებით. დაუმატეთ ყველი (სასურველია რიკოტა), კარგად ამოურიეთ და გააგრილეთ. ვამზადებთ ცომს: ჯამში ჩაყარეთ 4 ჭიქა ფქვილი. შუაში მოათავსეთ კვერცხი, ზეთი, მარილი და თბილი რძე. მოზილეთ ცომი (ხელზე არ უნდა გეკრობოდეთ). გადააფარეთ სამზარეულოს ცელოფანი და დააყოვნეთ ნახევარი საათით. ცომისგან პატარა გუნდები გააკეთეთ. თითოეული მსუბუქად გააბრტყელეთ და თხელ ფენად გადაუსვით მარგარინი. დააყოვნეთ 5-6 წუთით. შემდეგ ხელით კარგად გააბრტყელეთ (სანამ მაქსიმალურად თხელ ცომს არ მიიღებთ). გადაანაწილეთ ცომზე ისპანახის გულსართი, მოაყარეთ ცოტა ყველი და რულეტივით გადაახვიეთ. მიღებული რულეტები წრიულად დაახვიეთ გამოსაცხობ ფორმაში, სანამ ფორმა მთლიანად არ შეივსება. თავზე ათქვეფილი კევრცხი გადაუსვით და ნიგელას ცოტა თესლი მოაყარეთ. გამოაცხვეთ 200 გრადუსზე 30-40 წუთის განმავლობაში.