ყველა ინგრედიენტი მოათავსეთ ბლენდერში და დააბლენდერეთ, სანამ ერთგვაროვან მასას არ მიიღებთ. თუკი ბლენდერი არ გაქვთ, ფილე ხორცსაკეპ მანქანაში გაატარეთ 2-ჯერ, შემდეგ დაუმატეთ დანარჩენი ინგრედიენტები და დიდხანს ურიეთ. მიღებული ფარში, დაახლოებით, 450 გრამი გამოვა. აქედან თქვენ შეგიძლიათ 2 ან 3 მწკრივად მოამზადოთ სოსისი. შესაბამისად, მიღებული მასა გაყავით 2 ან 3 ნაწილად. აიღეთ ერთი ნაწილი, მოათავსეთ კულინარიულ ცელოფანზე. ხელი წყალში დაისველეთ და ისე გადაანაწილეთ ცელოფანზე ხორცი. ბოლოები ძაფით შეკარით. ასევე ძაფი გამოიყენეთ სასურველი ზომის სოსისების გამოსაყოფად და დასაფიქსირებლადაც. სოსისები შეგიძლიათ მომზადებისთანავე მოხარშოთ ან 24 საათის განმავლობაში მაცივარში დააყოვნოთ, რომ სანელებლები კარგად გაუჯდეს. გემრიელად მიირთვით!
